• Новости

МОЛИТВА О СПАСЕНИИ РОССИИ

Господи Иисусе Христе, Боже наш!

Приими от нас, недостойных рабов Твоих, усердное моление сие и прости нам вся согрешения наша, помяни всех врагов наших, ненавидящих и обидящих нас, и не воздаждь им по делам их, но по велицей милости Твоей обрати их: неверных ко правоверию и благочестию, верных же во еже уклонится от зла и творити благое. Нас же всех и Церковь Твою Святую весильною Твоею крепостию от всякого злаго обстояния милостиво избави. Отечество наше от лютых безбожников и власти их свободи, верных же рабов Твоих, в скорби и печали день и ночь вопиющих к Тебе, многоболезненный вопль услыши, многомилостиве Боже наш, и изведи из истления живот их. Подаждь же мир и тишину, любовь и утверждение и скорое примерение людям Твоим, их же Честною Кровию Твоею искупил еси. Но и отступившим от Тебе и Тебе не ищущим явлен буди, во еже ни единому от них не погибнути, но всем им спастися и в разум истины приити, да вси в согласном единомыслии и в непрестанной любви прославят Пречестное Имя Твое, терпеливодушие, незлобиве Господи, во веки веков. Аминь.